UN RÈVE VOLANT
Es jour là... j'avo bu des « Porters >
J' vo z'avoue qu' j'avo l' vint in poupe
J' m'ai indormi l' mouson in l'air
y d'vinnent d'aller chez l' père Lecluyse
Et puis chez l' Joseph du Palais
...Et c'est doncque là qu' J'ai vu m' « Soucoupes
...Y estinnent rouges comme des cérises
Avec des auréoles dorées.
Vo vo dites « Les Bribeux, ça volt doupe
On n' peut nin les printe au sérieux
CD soucoupes... on in r'mue à l'escoupe
...Et c'est si coulleteux... un Bribeux !
Dins m' rêve... (j' dis la pure vérité)
J'esto assis avenue de Ferrière
In face de chez l'ami Fiévet...
El correspondant du Qu'min d' fier.
J'ai vu dins l' clel... un bassin d' nult
...Vo savez bin... un réservoir
Qu'ont les malates pou faire pipl...
Tout arginté avé fond noir.
Au centre ej... guignot cune nacelie
Pa d'sou d'eune lampe éblouissante
Et puis eune espèce ed' capelle
Tout in haut d'el machine volante.
Y avo étou des p'tits tonniaux,
Es un tas d' bouteilles étiquetées
Rimplies d' Bourgone et d' vins Bordeaux
Ed quol... ramasser cent muflécs.
Vo stez au courant qu' dins l' Midl
El soleil pompe tous les rasins
Et qu' quand ceux-ci sont raquerpis
...Les saints du ciel... y font leu vin.
A m' n'idée s'to St-Emilion
Accompagné pa St-Estèphe
Qui apportinnent leu provision
A deux caf'tiers nommés Joseph.
..Dins m' songe.. J'approcho mine de rin
..J'arrivo à sto des flacons
...Et puis j'avanço mes deux mains
Quand j'ai erçu un coup d' baston
. Espèce de goiníre... vieux gougnafler
C'est pas pour toi cette ambroisie
...Adresse tol done à St-Galmier,
Yt fournira de l'eau bénie.
...Là d'esus y erfrument leu bazar
Puis y aspoillent su un bonton
Ei truc es' lefe... in plein pétard
Et fou l' camp du costé d'Hautmont.
J'ai du pousser un gros soupir
Pasqué Suzanne m'a dit ainsi
Tu n'as donc pas e' que tu désires
Ou t'as l' cerveau qui fait des plis ?
E soupire pasqué j'ai révé
Que les saints patrons de nos bons vins
Les ont fait passer pa d'sou m' nez
In m' disant que j'ène d'auro nin.
Bah! ça n' fait rin.. m' répond Suzanne,
T'es tout cranquieux... y faut t' solgner
J'm'en vais t' faire chauffez d' la tisane
Et boire un verre de St-Galmier.
A Cambrai... in Bergique... à Péronne
Les siens qu'ont vu ces machins-là
S sont oubliés dins leu maronne
..Mais un Bribeux... c'est pu: haut qu' cal
A. HANNEQUART (El Bribeux).